Չեմպիոնների լիգայում Փարիզի «Պարի Սեն-Ժերմեն» (ՊՍԺ) ֆուտբոլային ակումբի հաղթանակից հետո տեղի ունեցած անկարգությունների հետևանքով զոհերի թիվը հասել է երեքի: Այս մասին հաղորդում է Le Parisien թերթը: Հրատարակության տվյալներով՝ վթարի ենթարկված մոտոցիկլավարից բացի, որի մասին հաղորդվել էր ավելի վաղ, ևս երկու մարդ ընկել է Սեն գետը: Ականատեսների խոսքով՝ զոհվածներից մեկը գիտակցաբար է նետվել գետը: Ինչպես նշում է թերթը, խոսքը 1997 թվականին ծնված ռուանդացու մասին է: Մայրաքաղաքի 5-րդ և 6-րդ շրջանների կոմիսարիատները հետաքննություն են սկսել մահվան պատճառները պարզելու համար: Ավելի վաղ Ֆրանսիայի ներքին գործերի նախարար Լորան Նունիեսը հայտարարել էր, որ ավելի քան 890 մարդ է ձերբակալվել անկարգությունների ժամանակ: Հաղորդվել է նաև ավելի քան 200 տուժածի մասին: Բուդապեշտում անցկացված Չեմպիոնների լիգայի եզրափակչում փարիզյան ակումբը հաղթել է անգլիական «Արսենալ»-ին: Հիմնական ժամանակը և երկու լրացուցիչ ժամանակն ավարտվել են 1:1 հաշվով, ՊՍԺ-ն հետխաղյա 11-մետրանոց հարվածաշարում հաղթել է 4-3 հաշվով։
