Իրանի արտաքին գործերի նախարար Աբբաս Արաղչին Ռուսաստանի իր գործընկեր Սերգեյ Լավրովի հետ հեռախոսազրույցի ժամանակ հայտնել է Թեհրանի և Վաշինգտոնի հուշագրի մանրամասները: Այս մասին հաղորդում է IRNA լրատվական գործակալությունը։ «Զրույցի ընթացքում Իրանի ԱԳՆ ղեկավարը բացատրել է հուշագրի մանրամասները և նշել, որ ԱՄՆ-ի վրա է ընկած պատասխանատվությունը դրա դրույթների պատշաճ ձևով իրականացման համար», – ասվում է հրապարակման մեջ։ Նշվում է, որ Արաղչին նաև ընդգծել է Իսրայելի կողմից Լիբանանի նկատմամբ ռազմական գործողությունների «լիակատար դադարեցման» կարևորությունը։ Ըստ IRNA-ի տեղեկատվության՝ նախարարները համաձայնել են տարածաշրջանի երկրների հետ դիվանագիտական համագործակցությունը շարունակելու անհրաժեշտության հարցում՝ իրավիճակը կայունացնելու և անվտանգությունը ամրապնդելու համար։
