Շվեյցարական Sun-Ways ստարտափը հաջողությամբ փորձարկել է երկաթուղային գծերի միջև տեղադրվող արևային վահանակների համակարգը։ Բյուտտի մերձակայքում անցկացված 100-մետրանոց փորձնական հատվածը կարճ ժամանակում արտադրել է 16 000 կՎտ/ժ էլեկտրաէներգիա, ինչը բավարար է մեկ տնային տնտեսության տարեկան կարիքները հոգալու համար։ Չնայած վահանակների հորիզոնական դիրքին, էներգիայի կորուստը կազմում է ընդամենը 10%, իսկ մաքրման խնդիրը լուծվում է գնացքների վրա տեղադրվող հատուկ խոզանակների միջոցով։ Չնայած Միջազգային երկաթուղային միության որոշակի մտավախություններին՝ կապված անվտանգության և հնարավոր հրդեհների հետ, նախագիծը մեծ հետաքրքրություն է առաջացրել աշխարհում։ Sun-Ways-ն արդեն համաձայնագրեր է կնքել Իտալիայի և Հարավային Կորեայի հետ, ինչպես նաև բանակցություններ է վարում Նիդերլանդների, Չինաստանի, Հնդկաստանի և Սինգապուրի հետ։
