Վարդավառի տոնի կապակցությամբ Գյումրու համայնքապետարանը հորդորում է ցուցաբերել բարձր պատասխանատվություն և խստորեն խուսափել քաղաքի բոլոր ջրավազաններ ու շատրվաններ մուտք գործելուց։ «Մասնավորապես՝ «Մայր Հայաստան» հուշահամալիրի կասկադ, Սուրբ Ամենափրկիչ եկեղեցու բակ, Վարդանանց հրապարակ և հարակից տարածքներ։ Տեղեկացնում ենք, որ քաղաքի ջրավազաններում ու շատրվաններում առկա են էլեկտրահարման և տեխնիկական այլ լուրջ վտանգներ, որոնք անմիջական սպառնալիք են ձեր կյանքի ու առողջության համար: Խնդրում ենք հետևել անվտանգության կանոններին և տոնը նշել միայն դրա համար նախատեսված ու անվտանգ վայրերում»,- ասվում է հաղորդագրությունում։
