Էրդողանը ՆԱՏՕ-ում «Թրամփից հետո երկրորդի կարգավիճակ» չի ստացել, Թուրքիան հավակնությունները կսահմանափակի՞, թե՞ կգնա ռազմական էսկալացիայի

Անկարայում ՆԱՏՕ-ի գագաթաժողովի իրական արդյունքները, ինչպես ասում են՝ «իրենց զգացնել կտան» առաջիկա ամիսներին։ Բայց կան իրողություններ, որ նկատելի են անգամ առաջին հայացքից։ Առայժմ կարելի է առանձնացնել երկու հանգամանք։ Չնայած թուրքական կողմի ակնհայտ լավատեսությանը, Միացյալ Նահանգների նախագահ Դոնալդ Թրամփը Թուրքիային F-35 կործանիչներ վաճառելու հարցում վերջնական որոշում այդպես էլ չի կայացրել։ Այդ է վկայում Էրդողանի ակնարկը, որ «ամբողջ աշխարհը ԱՄՆ-ի հաստատակամությանը հավատում» է։ Երևում է, Թրամփը, այնուամենայնիվ, Իսրայելի վարչապետ Նաթանյահուին «լսել» է։ Ավելի քան արտառոց տեղեկություն