Կատարը կոչ է արել ԱՄՆ-ին և Իրանին հավատարիմ մնալ ձեռքբերված փոխըմբռնման հուշագրին և շարունակել բանակցությունները՝ հետագա սրումը կանխելու համար։ Կատարի վարչապետ և արտաքին գործերի նախարար շեյխ Մոհամմեդ բին Աբդուլռահման բին Ջասիմ Ալ Թանին X սոցիալական ցանցում կատարած գրառմամբ հայտնել է, որ այդ կոչն արել է Եգիպտոսի արտաքին գործերի նախարար Բադր Աբդելատիի հետ հեռախոսազրույցի ընթացքում։ Հեռախոսազրույցի ընթացքում քննարկվել են երկու երկրների միջև երկկողմ համագործակցությունը և այն աջակցելու ու ամրապնդելու ուղիները։ Կողմերն անդրադարձել են նաև տարածաշրջանային վերջին զարգացումներին, մասնավորապես՝ դիվանագիտական ջանքերին և համատեղ կոորդինացմանը՝ լարվածությունը նվազեցնելու, ինչպես նաև տարածաշրջանում անվտանգությունն ու կայունությունն ամրապնդելու նպատակով։ Կատարի ԱԳ նախարարը նաև ընդգծել է Հորմուզի նեղուցով նավարկության ազատության պաշտպանության անհրաժեշտությունը՝ նախազգուշացնելով, որ անվտանգ անցումը շարունակում է մնալ տարածաշրջանային անվտանգության կարևոր նախապայման։ Նա վերահաստատել է Կատարի պետության լիակատար աջակցությունը բոլոր այն ջանքերին, որոնք ուղղված են լարվածության թուլացմանը և տարածաշրջանում կայուն խաղաղություն ապահովող համապարփակ համաձայնության ձեռքբերմանը։
