Չինաստանի նախագահ Սի Ծինփինը հույս է հայտնել, որ Սլովակիան կառուցողական դեր կկատարի Չինաստան-ԵՄ հարաբերությունների կայուն զարգացումն առաջ մղելու հարցում։ Այս մասին հաղորդում է Xinhua գործակալությունը։ Պեկինում Սլովակիայի նախագահ Պետեր Պելեգրինիի հետ հանդիպման ժամանակ Սի Ծինփինը հայտարարել է, որ Չինաստանը ԵՄ-ն միշտ դիտարկել է որպես գործընկեր և ԵՄ-ի հետ հարաբերությունները զարգացնում է «անկեղծությամբ և բարի կամքով»։ Պետեր Պելեգրինին Չինաստանում է պետական այցով։
