Ըստ Israeli Channel 13-ի՝ այն բանից հետո, երբ CNN-ը շաբաթ օրը հաղորդեց, որ ԱՄՆ Զինված ուժերի գլխավոր շտաբի պետ, գեներալ Դեն Քեյնը «ելք է փնտրում» Իրանի հետ պատերազմից և չի կարծում, որ ևս մեկ օդային ռազմական արշավը օգտակար կլինի Թեհրանի հետ բանակցությունների առաջխաղացման համար, Իսրայելը պատրաստվում է Իրանի Իսլամական Հանրապետության դեմ ինքնուրույն գործողությունների հնարավորությանը։ Բացի այդ, Թրամփի փոխնախագահ Ջեյ Դի Վենսը հայտարարել է. «Իրանն էլ է ցանկանում ավարտել պատերազմը։ Հարցն այն է՝ արդյոք նա կարող է մեզ տալ այն, ինչ մենք ցանկանում ենք»։ Ըստ հաղորդագրության՝ գեներալ Քեյնը իր խորհրդականներին և ԱՄՆ նախագահ Դոնալդ Թրամփին հստակ հասկացրել է, որ Վաշինգտոնը պետք է Իրանի հետ պատերազմից դուրս գալու ուղի գտնի, քանի որ հակամարտության հետագա սրման համար սեղանին դրված ռազմական տարբերակները կարող են հանգեցնել հակառակ արդյունքի։ Նույն հրապարակման համաձայն՝ Քեյնն իր մտահոգությունների մեջ միայնակ չէ։ Նա պատերազմի ավարտի հնարավոր ուղիների վերաբերյալ իր մտահոգությունները քննարկել է նաև կառավարության այլ բարձրաստիճան պաշտոնյաների, այդ թվում՝ ԿՀՎ տնօրեն Ջոն Ռեթքլիֆի, պետքարտուղար Մարկո Ռուբիոյի և փոխնախագահ Ջեյ Դի Վենսի հետ։
