Իրանը Վաշինգտոնին է փոխանցել պատերազմը դադարեցնելու նոր առաջարկ՝ ակնարկելով փոխզիջման պատրաստակամության մասին՝ փորձելով վերսկսել բանակցությունները և վերջ դնել առճակատմանը, որն իր տնտեսության վրա չափազանց թանկ է նստում, գրում է The Wall Street Journal-ը: Սակայն, ըստ իրավիճակին ծանոթ մարդկանց, կողմերը դեռևս հեռու են առանցքային հարցերի շուրջ համաձայնությունից, որոնք են՝ Հորմուզի նեղուցով նավարկության վերսկսումը և Իրանի միջուկային ծրագիրը: Դա վկայում է այն մասին, որ բանակցությունները հետագայում ևս հեշտ չեն լինելու: Միևնույն ժամանակ, Թրամփը հայտարարել է, որ իրեն առաջվա պես չի գոհացնում Իրանի դիրքորոշումը: Նոր առաջարկում հանվել է ԱՄՆ-ի կողմից շրջափակման անհապաղ դադարեցման պահանջը:
