ԱՄՆ Պետդեպարտամենտն ուրբաթ հայտարարել է, որ հավանություն է տալիս մերձավորարևելյան դաշնակիցներին՝ Իսրայելին, Կատարին, Քուվեյթին և Արաբական Միացյալ Էմիրություններին, ընդհանուր առմամբ ավելի քան 8,6 միլիարդ դոլարի ռազմական վաճառքին, հայտնում է Reuters-ը։ Այս հայտարարություններն արվել են ԱՄՆ-ի և Իսրայելի՝ Իրանի դեմ պատերազմի սկսվելուց ինը շաբաթ և հրադադարի փխրուն համաձայնագրի ուժի մեջ մտնելուց ավելի քան երեք շաբաթ անց։ Պետդեպարտամենտի հայտարարություններում, մասնավորապես, նշվում է Կատարին 4,01 միլիարդ դոլար արժողությամբ Patriot հակաօդային և հակահրթիռային պաշտպանության համակարգերի և 992,4 միլիոն դոլար արժողությամբ զանգվածային ոչնչացման առաջադեմ ճշգրիտ զենքի համակարգերի (APKWS) վաճառքի հավանության մասին։ Հավանություն է տրվել նաև Քուվեյթին 2,5 միլիարդ դոլար արժողությամբ մարտական կառավարման ինտեգրված համակարգի և Իսրայելին 992,4 միլիոն դոլար արժողությամբ զանգվածային ոչնչացման առաջադեմ ճշգրիտ զենքի համակարգերի վաճառքին։ Պետդեպարտամենտը հավանություն է տվել ԱՄԷ-ին 147,6 միլիոն դոլարի APKWS-ի վաճառքին։ Ըստ Պետդեպարտամենտի,Կատարին, Իսրայելին և ԱՄԷ-ին APKWS-ի վաճառքի հիմնական կապալառուն BAE Systems ընկերությունն էր։ Պետական դեպարտամենտը հավելել է, որ RTX-ը և Lockheed Martin-ը եղել են հիմնական կապալառուները Քուվեյթին մարտական կառավարման ինտեգրված համակարգի և Կատարին Patriot հակաօդային ու հակահրթիռային պաշտպանության համակարգերի վաճառքի հարցում։ Northrop Grumman-ը նույնպես եղել է հիմնական կապալառու Քուվեյթին վաճառքի հարցում։
