ՌԴ նախագահ Վլադիմիր Պուտինը ԱՄՆ նախագահի հատուկ բանագնաց Սթիվ Ուիթքոֆի հետ հանդիպմանը հայտարարել է, որ դիզելային վառելիքի մատակարարումների վերաբերյալ երկու երկրների հայտարարություններից հետո համաշխարհային շուկաներում գները նվազել են 5-6 տոկոսով։ «Մենք պատրաստվում ենք անհապաղ ուղարկել մի քանի նավ։ Տանկերներն այս պահին նախապատրաստվում են»,- ասել է Ռուսաստանի նախագահը։ Նրա խոսքով՝ առաջին տանկերը ճանապարհ կընկնի երկու-երեք օրից՝ տեղափոխելով 40 հազար տոննա վառելիք։ Դրան հաջորդող նավերը կմեկնեն մեկը մյուսի հետևից։ Պուտինը նշել է, որ մատակարարումների բնականոն ընթացքն ապահովելու համար անհրաժեշտ է միայն կարգավորել ֆինանսական հարցերը. «Մեզ պարզապես անհրաժեշտ է ապահովել, որ ֆինանսական պայմանավորվածությունները կարգավորված լինեն, որպեսզի ամեն ինչ աշխատի»,- ասել է նա։
