Թուրքիայի և Ադրբեջանի հարաբերություններում ի հայտ են եկել տարաձայնություններ։ Հիջաբի շուրջ սկսված վեճը վերածվել է փոխադարձ քաղաքական մեղադրանքների, մինչդեռ Անկարան պատրաստվում է ընդունել Թյուրքական պետությունների կազմակերպության գագաթնաժողովը և հայտնի չէ՝ կմասնակցի՞ այդ գագաթնաժողովին Ալիևը, թե ոչ: Միաժամանակ Մոսկվայում Պուտինն ու Փեզեշքիանը քննարկում են Իրանի շուրջ իրավիճակը, Ռուսաստանը փորձում է միջնորդի դեր ստանձնել Վաշինգտոնի և Թեհրանի միջև, իսկ Թրամփի ռուսական դիզելի գործարքը նոր հարցեր է առաջացնում ամերիկյան պատժամիջոցների և տարածաշրջանային քաղաքականության վերաբերյալ։ Իսրայելի ընտրությունները, Իրանի դեմ պատերազմի հեռանկարը և ռուս-ուկրաինական պատերազմի զարգացումները կարող են փոխել ուժերի հարաբերակցությունը նաև մեր տարածաշրջանում։ Այս փոխկապակցված գործընթացների մասին կխոսենք տարածաշրջանային հարցերով փորձագետ Արմեն Պետրոսյանի հետ։ Առավել մանրամասն՝ տեսանյութում
