Պակիստանի հյուսիս-արևմուտքում գտնվող անցակետերից մեկում գրոհայինները ականապատված մեքենա են պայթեցրել, իսկ հետո կրակ բացել ոստիկանների ուղղությամբ։ AFP լրատվական գործակալության տվյալներով՝ հարձակման հետևանքով առնվազն 12 մարդ է զոհվել, 5-ը՝ վիրավորվել։ «Անցյալ գիշեր Բաննու շրջանի Ֆաթեհ Խել բնակավայրում մահապարտ ահաբեկիչը պայթուցիկով լցված մեքենայով հարվածել է ոստիկանական անցակետին, ինչից հետո մի քանի զինյալներ են ներխուժել տարածք»,- գործակալությանը հայտնել է Բաննուի ոստիկանության ներկայացուցիչ Մուհամմադ Սաջադ Խանը:
