«Բարսելոնայի» գերմանացի գլխավոր մարզիչ Հանս-Դիտեր Ֆլիկը համաձայնության է եկել ակումբի հետ նոր պայմանագրի շուրջ, հաղորդում է ինսայդեր Ֆաբրիցիո Ռոմանոն։ Աղբյուրի համաձայն՝ մարզչի նոր պայմանագիրը նախատեսված է մինչև 2028 թվականի ամառը և ներառում է մեկ տարով երկարաձգման հնարավորություն։ Ըստ տեղեկությունների՝ բոլոր մանրամասները վերջնականապես հաստատվել են մի քանի շաբաթ առաջ ձեռք բերված բանավոր համաձայնությունից հետո։ Ֆլիկի գործակալ Պինի Զահավիի և «Բարսելոնայի» միջև բանակցությունները հաջողությամբ ավարտվել են։ Մարզչի ներկայիս պայմանագիրը նախատեսված է մինչև 2027 թվականի ամառը։ Ըստ տեղեկությունների՝ երկարաձգման վերաբերյալ պաշտոնական հայտարարությունը սպասվում է ավելի ուշ։
