Իրանի արտգործնախարար Աբբաս Արաղչին, որը ժամանել էր Հնդկաստանի մայրաքաղաք՝ մասնակցելու BRICS-ի արտգործնախարարների հանդիպմանը, հանդիպել է Հնդկաստանի վարչապետ Նարենդրա Մոդիի հետ։ Այս մասին գրում է IRNA-ն։ Աբբաս Արաղչին ընդգծել է Թեհրանի և Նյու Դելիի միջև հարաբերությունների ավանդական բարեկամական բնույթը՝ նշելով երկու երկրների ռազմավարական գործընկերության խորությունը։ Իրանի արտգործնախարարը մանրամասն ներկայացրել է հակամարտության գոտում ստեղծված իրավիճակը և հնդկական կողմին տեղեկացրել է շարունակվող ռազմական գործողությունների մարդասիրական և քաղաքական հետևանքների մասին։ Նարենդրա Մոդին, իր հերթին, վերահաստատել է երկկողմ հարաբերությունների պահպանման և զարգացման կարևորությունը։ Նա հատուկ շեշտը դրել է տարածաշրջանային կայունության վրա և հայտնել Հնդկաստանի պատրաստակամությունը՝ նպաստելու տարածաշրջանում անվտանգության և խաղաղության հաստատմանը։
