Թուրքիայի Թեքիրդաղ քաղաքի Չորլու շրջանում զինված ծեծկռտուքի մասին ահազանգով դեպքի վայր ժամանած ոստիկանները գնդակահարվել են, հայտնում է Hürriyet-ը։ Կրակոցները սկսվել են, երբ ոստիկանները մոտեցել են դեպքի վայրին։ Կրակոցների մասին տեղեկություն ստանալուց հետո դեպքի վայր են ուղարկվել բազմաթիվ լրացուցիչ ոստիկանական և բժշկական բրիգադներ։ Հարձակվողը ձերբակալվել և վիրավորվել է դրան հաջորդած փոխհրաձգության ընթացքում։ Կասկածյալը տեղափոխվել է Չորլուի պետական հիվանդանոց։ Նահանգապետ Ռեջեփ Սոյթյուրքը, Չորլուի շրջանի կառավարիչ Նիյազի Էրթանը, Չորլուի գլխավոր դատախազ Բիլգիհան Յուջելը և նահանգի ոստիկանապետ Ահմեթ Մեթին Թուրանլին ժամանել են դեպքի վայր և հետաքննություն իրականացրել։ Դեպքի առնչությամբ հետաքննությունը շարունակվում է։
