ԱՄՆ-ի կողմից պատերազմի շարունակման դեպքում կբացվեն այլ ճակատներ: Այս մասին իր պաշտոնական տելեգրամյան ալիքում գրել է Իրանի առաջնորդ Մոջթաբա Խամենեին՝ մեկնաբանելով ԱՄՆ-ի կողմից ռազմական հարվածի նոր սպառնալիքը: «Աշխատանք է տարվել այնպիսի ճակատների բացման ուղղությամբ, որտեղ թշնամին խոցելի կլինի և չի ունենա անհրաժեշտ փորձը։ Եթե ռազմական դրությունը պահպանվի, ապա, ելնելով մեր կողմի շահերից, այդ լրացուցիչ ճակատները կբացվեն»,- նշել է նա։ Ավելի վաղ ԱՄՆ նախագահ Դոնալդ Թրամփը հայտնել էր, որ Կատարի, Սաուդյան Արաբիայի և Արաբական Միացյալ Էմիրությունների առաջնորդների խնդրանքով Իրանին հասցվելիք ռազմական հարվածը, որը ծրագրված էր վաղը, հետաձգվել է։
