Ռուսաստանի զինված ուժերը միջուկային զորավարժությունների շրջանակում զինամթերք են հասցրել Բելառուսում գտնվող հրթիռային բրիգադի դաշտային պահեստային կետեր։ Այս մասին հայտնել է Ռուսաստանի պաշտպանության նախարարությունը։ «Միջուկային զորավարժությունների շրջանակում միջուկային զինամթերք է մատակարարվել Բելառուսի Հանրապետությունում գտնվող հրթիռային բրիգադի դիրքային տարածքի դաշտային պահեստային կետեր։ Բելառուսական հրթիռային ստորաբաժանման անձնակազմը մարտական ուսումնական առաջադրանքներ է կատարում՝ «Իսկանդեր-Մ» օպերատիվ-մարտավարական հրթիռային համակարգի համար հատուկ զինամթերք ձեռք բերելու, դրանցով արձակման մեքենաները հագեցնելու և գաղտնի կերպով նշանակված տարածք տեղափոխվելու համար՝ արձակումներին նախապատրաստվելու նպատակով», – հայտնել է նախարարությունը։
