ԱՄՆ Դալաս քաղաքի բնակելի շենքում պայթյուն է տեղի ունեցել: Պայթյունի հետևանքով առնվազն երեք մարդ է զոհվել, հինգը՝ վիրավորվել։ Այս մասին հայտնել է CBS հեռուստաալիքը։ Պայթյունի պատճառ է դարձել գազի արտահոսքը։ Պայթյունի և բռնկված հրդեհի հետևանքով ավելի քան 70 բնակարան ունեցող շենքն ամբողջությամբ ոչնչացվել է։ Կրակի մարման աշխատանքներում ներգրավվել է 120 հրշեջ։ Ընթանում է փլատակների մաքրում, չի բացառվում, որ դրանց տակ կարող են մարդիկ լինել։
