«Իմնեմնիմի» հաղորդաշարի համահեղինակ : Այս մասին հայտնում է պաշտպան Արսեն Բաբայանը։ «Դատարանը կիրառեց վարչական հսկողություն խափանման միջոցը` արգելելով Վազգենին հրապարակային խոսքը»,– գրել է նա ֆեյսբուքյան էջում։ Հիշեցնենք` դիմակավորված ուժայինները 2025–ի նոյեմբերի 13-ի առավոտյան ներխուժեցին «Իմնեմնիմի» հաղորդաշարի հեղինակներ Նարեկ Սամսոնյանի և Վազգեն Սաղաթելյանի տներ և ձերբակալեցին նրանց։ Դրանից հետո «Անտիֆեյքի» գրասենյակում խուզարկություններ իրականացվեցին, առգրավվեց ամբողջ տեխնիկան։ Նարեկ Սամսոնյանի և Վազգեն Սաղաթելյանի դեմ քրեական վարույթ է նախաձեռնվել ՀՀ ԱԺ նախագահ Ալեն Սիմոնյանի վիրավորանքին արձագանքելու համար։ Նրանք մեղադրվում են «Խուլիգանություն՝ հաղորդակցման միջոցների օգտագործմամբ» հոդվածի հատկանիշներով։ Ավելի ուշ Սամսոնյանն ու Սաղաթելյանը կալանավորվեցին։ 2026-ի փետրվարին Նարեկ Սամսոնյանի խափանման միջոց կալանքը փոխարինվեց տնային կալանքով, իսկ մարտին` վարչական հսկողությամբ։ Վազգեն Սաղաթելյանի նկատմամբ տնային կալանք սահմանվեց ապրիլին։
