ՀԱՊԿ-ից դուրս գալը դժվար թե ավելացնի Հայաստանի անվտանգությունը։ Այս մասին հայտարարել է ՌԴ ԱԽ քարտուղարի տեղակալ Ալեքսեյ Շևցովը։ «Կազմակերպությունը ցույց է տվել իր արդյունավետությունը և այս պահին եվրասիական տարածքում անվտանգության երաշխավորն է։ Ուստի այդ կառույցից դուրս գալը դժվար թե ավելացնի Հայաստանի անվտանգությունը»,– ՏԱՍՍ-ին ասել է պաշտոնյան՝ մեկնաբանելով ՀՀ վարչապետ Նիկոլ Փաշինյանի հայտարարությունը։ Վարչապետն ավելի վաղ նախընտրական բանավեճի ժամանակ հայտարարել էր, որ եթե պետք լինի, Հայաստանը դուրս կգա ՀԱՊԿ–ից։
