8/24 տեղամասի հարակից տարածքում տեղի է ունեցել դանակահարություն՝ արձանագրել է «Ականատես» դիտորդական առաքելությունը՝ նշելով, որ դեռ հնարավորություն չի եղել պարզել, թե արդյոք միջադեպը կապված է ընտրական գործընթացի հետ։ ՆԳՆ փոխանցմամբ՝ ոստիկանները պարզել են, որ ըստ նախնական տեղեկությունների, մեքենան արագ վարելու հարցի շուրջ վիճաբանություն է տեղի ունեցել մի խումբ անձանց միջև, ինչի ընթացքում նրանցից մեկը դանակահարել է 27-ամյա երիտասարդին։ Դանակահարողը Երևանի 16-ամյա բնակիչ է։ Դանակահարության մեջ կասկածվող անձը և միջադեպի մասնակիցները հայտնաբերվել և ձերբակալվել են։ Բժշկական կենտրոն տեղափոխված 27-ամյա երիտասարդը մահացել է։
