«Ուժեղ Հայաստանի» անդամ Շիրազ Մանուկյանը ֆեյսբուքյան իր էջում գրում է․ «38/53 ընտրական տեղամասում վերահաշվարկի արդյունքում պարզվել է՝ «Ուժեղ Հայաստան»-ը 136 ձայն է ստացել։ Իսկ ըստ ԿԸՀ-ի հրապարակած տվյալների՝ այստեղ քաղաքական ուժի օգտին քվեարկողներ «չէին եղել»։ 0 ձայն էր գրանցվել ԿԸՀ կայքում։ 27/7 ընտրական տեղամասում էլ վերահաշվարկի արդյունքում «Ուժեղ Հայաստան» դաշինքի օգտին 125 ձայն է ավելացել։ ԿԸՀ-ի պաշտոնական կայքում գրանցել էին 10 ձայն։ Իրական թիվը 135 է։ Հատկանշական է, որ այս տեղամասում ՔՊ-ի 144 ձայնը նորմալ գրանցել են։»
