Հնդկաստանի ռազմաօդային ուժերին պատկանող Ան-32 ռազմատրանսպորտային ինքնաթիռը կործանվել է վայրէջք կատարելիս՝ հյուսիսարևելյան Ասսամ նահանգի Ջորհաթ ավիաբազայում, հայտնել են հնդկական ՌՕՈւ-ի ներկայացուցիչները։ Զոհերի և տուժածների մասին տեղեկություններն առայժմ չեն հրապարակվում։ Միջադեպի վայրում աշխատում են փրկարար ծառայությունները։ Հնդկական ՌՕՈւ-ից հստակեցրել են, որ աղետի պատճառները պարզելու համար կստեղծվի վթարի հանգամանքները հետաքննող հատուկ հանձնաժողով։
