Էլբրուս լեռ բարձրանալիս երկու ալպինիստ է զոհվել։ Բոսնիա և Հերցեգովինայի 7 քաղաքացուց բաղկացած խումբը մոտ 5,1 հազար մետր բարձրության վրա օգնության ազդանշան է ուղարկել, հայտնում է ՌԴ ԱԻՆ-ը։ Որոնողափրկարարական գործողության ընթացքում փրկարարները շուրջ 5,4 հազար մետր բարձրության վրա հայտնաբերել են երկու զոհված ալպինիստի մարմինները։ Խմբի երկու անդամի հաջողվել է տարհանել, մյուսների որոնողական աշխատանքները շարունակվում են։
