Իրաքի վարչապետ Ալի Ֆալեհ ալ-Զայիդին պաշտոնական այցով մեկնել է Անկարա, որտեղ նախատեսված են հանդիպումներ Թուրքիայի նախագահ Ռեջեփ Թայիփ Էրդողանի և թուրք բարձրաստիճան պաշտոնյաների հետ։ Այս մասին հայտնում են թուրքական ԶԼՄ-ները: Հրապարակումների համաձայն՝ Իրաքի վարչապետը Թուրքիա է ժամանել բարձր մակարդակի պատվիրակության ուղեկցությամբ։ Բանակցությունների ընթացքում նախատեսվում է քննարկել Թուրքիայի և Իրաքի միջև համագործակցության ընդլայնման հարցերը՝ հիմնական ուշադրությունը կենտրոնացնելով տնտեսության, ջրային ռեսուրսների կառավարման, անվտանգության և ներդրումների ոլորտների վրա։ Կողմերը կքննարկեն նաև փոխադարձ հետաքրքրություն ներկայացնող տարածաշրջանային հարցերը, գործող երկկողմ համաձայնագրերի և փոխըմբռնման հուշագրերի իրականացման մեխանիզմները, ինչպես նաև համատեղ ենթակառուցվածքային նախագծերի իրագործման ընթացքն ու հետագա զարգացումը։
