Սաուդյան Արաբիայի արտաքին գործերի նախարար արքայազն Ֆեյսալ բեն Ֆարհան Ալ Սաուդը Իրանի արտաքին գործերի նախարար Աբաս Արաղչիի հետ հեռախոսազրույցում քննարկել է Պարսից ծոցի գոտում լարվածության նվազեցմանն ուղղված դիվանագիտական ջանքերը: Այդ մասին հաղորդել է թագավորության արտաքին քաղաքական գերատեսչությունը։ «Զրույցի ընթացքում կողմերը քննարկել են ընթացիկ իրադրության կապակցությամբ վերջին իրադարձությունները, ինչպես նաև լարվածության թուլացմանն ուղղված դիվանագիտական ջանքերը», – ասվում է նախարարության հայտարարության մեջ, որը հրապարակվել է X-ում։ Սաուդյան Արաբիայի արտաքին գործերի նախարարն ընդգծել է Ռիադի ձգտումը՝ շարունակելու տարածաշրջանային իր դերակատարությունն անվտանգության և կայունության ապահովման գործում։
