Ռուսաստանի և Հայաստանի միջև առևտրաշրջանառությունը այս տարի նվազել է երկու երրորդով, ՌԻԱ Նովոստիի հարցին պատասխանելով՝ ասել է Ռուսաստանի փոխվարչապետ Ալեքսեյ Օվերչուկը։ «2024 թվականին Ռուսաստանի և Հայաստանի միջև առևտրաշրջանառությունը հասել է ռեկորդային մակարդակի՝ մոտավորապես 12 միլիարդ դոլարի։ Սա հսկայական թիվ է։ Անցյալ տարի այն նվազել է մինչև մոտ 8 միլիարդ դոլաл։ Այս տարի առևտրաշրջանառության մեջ շատ կտրուկ անկում է գրանցվել։ Այն մոտավորապես 2025 թվականի երկու երրորդն է։ Իրավիճակն այնպիսին է, որ պարզ է, որ այն շարունակելու է նվազել», – Չոլպոն-Աթայում ընթացող տնտեսական ֆորումի շրջանակներում ասել է ՌԴ փոխվարչապետը։ Օվերչուկի խոսքով՝ ԵԱՏՄ-ի և Հայաստանի միջև հարաբերությունների ներկայիս զարգացումները կանխատեսելի էին։ «Եվ մենք վերջին երեք-չորս տարիների ընթացքում մեր հայ գործընկերներին ասել ենք, որ նման ռիսկեր կան, մասնավորապես՝ առևտրաշրջանառության անկման ռիսկը», – ընդգծել է նա։
