Ուկրաինայի արտաքին գործերի նախարար Անդրեյ Սիբիգան Ադրբեջանի ԱԳՆ ղեկավար Ջեյհուն Բայրամովի հետ Կիևում կայացած բանակցություններից հետո հայտարարել է երկկողմ ռազմավարական գործընկերության ամրապնդման մասին։ Ուկրաինայի ԱԳ նախարարի X-ի կատարված գրառման համաձայն՝ կողմերը քննարկել են տարածաշրջանային անվտանգության հարցեր, կայուն խաղաղության հասնելու ջանքերը, տնտեսական ու էներգետիկ համագործակցությունը, ինչպես նաև Ադրբեջանի մասնակցությունը Ուկրաինայի վերականգնման աշխատանքներին։ Սիբիգան շնորհակալություն է հայտնել Բաքվին պատերազմի առաջին օրերից ցուցաբերված հումանիտար օգնության և էներգետիկ կայունությանն աջակցելու համար՝ ընդգծելով, որ Ուկրաինան բարձր է գնահատում Ադրբեջանի հավատարմությունը երկրի ինքնիշխանությանն ու տարածքային ամբողջականությանը, և ի պատասխան՝ հավատարիմ է մնում Ադրբեջանի ինքնիշխանության աջակցման սկզբունքին։
