«Մանչեսթեր Սիթիի» կիսապաշտպան Ռոդրին այս ամառ կարող է կանգնել կարևոր որոշման առաջ՝ տեղափոխվել իսպանական գրանդներից մեկը՝ Մադրիդի «Ռեալ» կամ «Բարսելոնա», եթե որոշի հեռանալ «Էթիհադից»։ 30-ամյա ֆուտբոլիստի պայմանագիրը «Սիթիի» հետ մոտենում է ավաևտին, և նա դեռ չի ստորագրել նոր համաձայնագիր։ «Ռեալը» երկար ժամանակ հետաքրքրված է եղել Ռոդրիի ծառայություններով, սակայն «Բարսելոնայի» աղբյուրները հինգշաբթի հայտնել են, որ ակումբն այժմ ստացել է ֆուտբոլիստի համաձայնությունը՝ «Մանչեսթեր Սիթիի» հետ բանակցություններ սկսելու համար։ «Բարսելոնայում» նշել են, որ գործարքի կայացման երաշխիքներ չկան, սակայն դա կարևոր զարգացում է։ «Բարսելոնա» տեղափոխությունը Ռոդրիին հնարավորություն կտա միանալ վերջին երկու մրցաշրջանների Իսպանիայի չեմպիոնին և վերամիավորվել հավաքականի իր խաղընկերներ Ֆերրան Տորեսի, Լամին Յամալի, Պաու Կուբարսիի և Պեդրիի հետ։ Միևնույն ժամանակ, նա կարող է կրկին խաղալ նախկին թիմակից Բեռնարդու Սիլվայի հետ, որը այս ամառ ազատ գործակալի կարգավիճակով տեղափոխվել է «Ռեալ»։ Եթե Ռոդրին միանա «Բարսելոնային», նրա տեղափոխությունը կարող է միանշանակ չընդունվել երկրպագուների կողմից։ Նա նախկինում հանդես է եկել «Ատլետիկոյի» կազմում, իսկ ավելի վաղ «Ռեալի» մասին ասել էր, որ «չի կարելի մերժել աշխարհի լավագույն ակումբներին»։
