Օգոստոսի 6 -ին Բաքվի Report կայքը գրել է, որ Թբիլիսիում Ադրբեջանի դեսպանատունը Վրաստանի ԱԳՆ-ին «բողոքի նոտա է փոխանցել»։ Ըստ այդմ, Ադրբեջանը «պարզաբանումներ է պահանջել, թե ինչո՞ւ ադրբեջանական բեռնափոխադրողները «Սարփի» և «Կարմիր կամուրջ» սահմանային անցակետերում օրեր շարունակ սպասում են փաստաթղթերի ձևակերպման և հաճախ մերժում ստանում»։ Օգոստոսի 7-ին Վրաստանի ֆինանսաների նախարարության Եկամուտների ծառայությունը հայտարարել է, որ Վրաստանի մաքսավորները «կանխել են Թուրքիայից Ռուսաստան եվրոպական ծագման պատժամիջոցների ենթակա բեռների փոխադրումը, որ փորձել է իրականացնել ադրբեջանական բեռնափոխադրողը»։ Ըստ պաշտոնական հաղորդագրության, որ փոխանցել է վրացական apsny.ge առցանց լրատվամիջոցը, միջադեպը տեղի է ունեցել Թուրքիայի հետ սահմանի «Սարփի» անցակետում՝ «սույն թվականի հուլիսի 24-ին»։ Ստուգմամբ պարզվել է, որ Ադրբեջանի քաղաքացու կողմից շահագործվող բեռնատարը «Թուրքիայից Ռուսաստան է տեղափոխում Եվրամիությունում արտադրված ապրանք»։ Հիմք ընդունելով Ռուսաստանի դեմ Եվրամիության սահմանած պատժամիջոցները, վրացի մաքսավորները «բեռնատարը ետ ուղարկել են Թուրքիայի տարածք»։ Մի քանի ժամ հետո նույն բեռնատարը կրկին փորձել է հատել Վրաստանի մաքսային սահմանը՝ ներկայացնելով «նոր սերտիֆիկատ, ըստ որի ապրանքները, իբր, արտադրված են Թուրքիայում»։ Զննմամբ, սակայն, պարզվել է, որ ապրանքները ունեն գործարանային մակնշումներ, որ բացահայտել են արտադրող երկրները՝ Գերմանիա և Խորվաթիա։ Թեև Վրաստանի պատկան մարմինը տվյալ միջադեպը ուղղակիորեն չի կապել Ադրբեջանի ԱԳՆ բողոքի նոտայի հետ, բայց ակնհայտ է, որ վրացական սահմանին ադրբեջանական բեռնափոխադրողների ստուգումները կապված են Թուրքիայից Ռուսաստան պատժամիջոցային ապրանքների մատակարարումները կանխելու հետ։ Պաշտոնական Թբիլիսին չի մանրամասնել, թե Գերմանիայում և Խորվաթիայում արտադրված հատկապես ի՞նչ ապրանքներ էին փորձում Թուրքիայի Ռուսաստան տեղափոխել։ Կարելի է ենթադրել, որ դրանք կամ ունեցել են ռազմական, կամ առնվազն երկակի նշանակություն։ Վրաստանը, ըստ էության, բացահայտել է, որ Թուրքիան և Ադրբեջանը փորձել են իր տարածքը օգտագործել, որպեսզի Ռուսաստանը եվրոպական արտադրության ապրանքներ ստանա՝ շրջանցելով Եվրամիության պատժամիջոցները։ Ուշագրավ է, որ Վրաստանի կառավարությունը թուրք-ադրբեջանական «մաքսանենգության» մասին տեղեկատվություն է
