Չինաստանում ստեղծել են ռոբոտ, որն այնքան նման է մարդուն, որ նրա շարժումները զարմացրել են օգտատերերին։ Origin–F1 հումանոիդ ռոբոտի արժեքը կարող է հասնել 173 հազար դոլարի։ Ռոբոտը կարողանում է բնական կերպով շարժել աչքերը, փոխել դեմքի արտահայտությունները և խոսել։ Origin–F1-ի արժեքը գնահատվում է 50 հազարից մինչև 173 հազար դոլար՝ կախված տեխնիկական համալրումից։ Չնայած բարձր գնին՝ ռոբոտը մեծ հետաքրքրություն է առաջացրել համացանցում։ Օգտատերերից մեկը գրել է․ «Հայրս գումար է հավաքել տան համար, ես՝ ապագա իմ ռոբոտ-աղջկա երազանքի համար»։ Մեկ ուրիշը կատակել է․ «Շուտով մենք կունենանք ռոբոտ-ընկերուհիներ, որոնք մեզանից անհասանելի կլինեն»։ Ռոբոտի տեխնիկական համակարգը ներառում է 26 շարժման ազատության աստիճան, ինչը թույլ է տալիս իրականացնել նույնիսկ դեմքի ամենանուրբ միկրոշարժումները։ Առայժմ Origin–F1-ը ներկայացվում է երկու տարբերակով՝ սև և շիկահեր մազերով կերպարներ։ Սակայն ընկերությունը հայտարարել է, որ ապագայում հնարավոր կլինի ստեղծել անսահմանափակ թվով արտաքին կերպարներ՝ 3D վերակառուցման և հատուկ բիոնիկ մաշկի տեխնոլոգիայի միջոցով։
