Իսրայելական պաշտպանական գերատեսչության գնահատմամբ՝ չնայած նվազ հավանականությանը, Սիրիայում միջուկային նյութերի դուրսբերման ուղղությամբ ՄԱԳԱՏԷ-ի անցկացրած գործողությունը կարող է որպես մոդել կիրառվել Իրանի բարձր հարստացված ուրանի դուրսբերման համար՝ Թեհրանի հետ հնարավոր համաձայնության դեպքում: Այս գնահատականները հնչում են ԱՄՆ-ի և Իրանի միջև ընթացող բանակցությունների ֆոնին, մինչդեռ Իսրայելը շարունակում է պահպանել բարձր պատրաստվածություն բոլոր սցենարների համար: Վաշինգտոնում ևս հաստատել են, որ վերջին օրերին բանակցություններում որոշակի առաջընթաց է գրանցվել, սակայն զուգահեռաբար քննարկվում է նաև հնարավոր ուժային լուծման տարբերակը, եթե դիվանագիտական ջանքերը ձախողվեն:
