Նոր սպառազինությունները, որոնք պլանավորվում է տեղակայել Ասիա-խաղաղօվկիանոսյան տարածաշրջանում (ԱԽՏ), սպառնալիքներ են ստեղծում Ռուսաստանի համար։ Այս մասին հայտարարել է Ռուսաստանի Դաշնության նախագահ Վլադիմիր Պուտինը Խաղաղօվկիանոսյան նավատորմի զորավարժությունների ժամանակ։ Ռուսաստանի ղեկավարը պարզաբանել է, որ հակամարտության ներուժն Ասիա-խաղաղօվկիանոսյան տարածաշրջանում աճում է, Հյուսիսատլանտյան դաշինքը ներթափանցում է այնտեղ: «Մենք տեսնում ենք, որ այստեղ (խմբ.՝ Ասիա-Խաղաղօվկիանոսյան տարածաշրջանում), ցավոք, աճում է հակամարտության ներուժը: Այստեղ է ներթափանցում ՆԱՏՕ-ն: Ստեղծվում են նոր ռազմաքաղաքական դաշինքներ: Այստեղ տեղակայվում են և տեղակայման են պլանավորվում զենքի նոր համակարգեր, որոնք սպառնալիք են ստեղծում մեր երկրի համար», – հայտարարել է նա:
