Կատարի, Հորդանանի, Ինդոնեզիայի, Պակիստանի, Թուրքիայի, Սաուդյան Արաբիայի, Եգիպտոսի և Արաբական Միացյալ Էմիրությունների արտաքին գործերի նախարարությունների ղեկավարները հրապարակել են համատեղ հայտարարություն, որում դատապարտել են Իսրայելի կողմից Գազայի խաղաղության ծրագրի իրականացման ճանապարհային քարտեզի մերժումը:: «Այս դիրքորոշումը հավասարազոր է համապարփակ ծրագրից ուղղակի հրաժարվելուն, սպառնալիքի տակ է դնում դրա իրականացումը և հիմնովին խաթարում հավաքական ջանքերը, որոնք ուղղված են արդար ու կայուն խաղաղության հասնելուն», – ասվում է X հարթակում Կատարի ԱԳՆ-ի էջում հրապարակված հայտարարության մեջ։
