Իսրայելի վարչապետ Բենիամին Նեթանյահուն և Խաղաղության խորհրդի ներկայացուցիչները քննարկել են Գազայի հետ կապված մի շարք կարևոր հարցեր։ Վարչապետի գրասենյակի փոխանցմամբ՝ հանդիպումն անցել է «խորը և կառուցողական քննարկումների» մթնոլորտում։ Կողմերը պայմանավորվել են ստեղծել երկու աշխատանքային խումբ։ Առաջին խումբը կզբաղվի Գազայի զինաթափման և ապառազմականացման հարցերով։ Իսրայելը և Խաղաղության խորհուրդը, ըստ վարչապետի գրասենյակի, նպատակ ունեն այդ գործընթացը հնարավորինս արագ ավարտել՝ մինչև Գազայի վերակառուցման աշխատանքների մեկնարկը։ Երկրորդ աշխատանքային խումբը կզբաղվի Գազայի բնակչության համար սանիտարական պայմանների, մաքուր ջրի և հանրային առողջապահության հետ կապված խնդիրներով։ Նշվում է, որ այդ հարցերն անմիջական ազդեցություն ունեն նաև Իսրայելի բնակչության վրա։
