Այս գիշեր ՌԴ ԶՈՒ կողմից Կիևի հրթիռակոծության հետևանքով զոհերի թիվն աճել է։ Ըստ միջազգային մամուլի՝ մի քանի ժամ տևած օդային հարձակման հետևանքով առնվազն 16 մարդ է մահացել։ Վերջին ամիսներին մոսկովյան ուժերն ակտիվացրել են հրթիռային հարվածները Կիևի ուղղությամբ՝ օգտվելով Ուկրաինայում ամերիկյան Patriot հակաօդային պաշտպանության համակարգերի քրոնիկ պակասից, որոնք նրա զինանոցում բալիստիկ հրթիռներ խոցելու ունակ միակ զենքն են։ Ուկրաինայի նախագահ Վոլոդիմիր Զելենսկին երկրներին կոչ է արել ավելի շատ Patriot համակարգեր ուղարկել, սակայն միջազգային պաշարները ցածր մակարդակի վրա են՝ Իրանի դեմ պատերազմի և Ռուսաստանի լայնամասշտաբ Ներխուժման դեմ Ուկրաինայի ավելի քան չորս տարվա պայքարի ֆոնին։ Ռուսաստանի կողմից գիշերային գնդակոծության ընթացքում օգտագործվել են նաև թևավոր հրթիռներ և արագընթաց ռեակտիվ անօդաչու թռչող սարքեր, ինչն ավելի է բարդացրել հակաօդային պաշտպանության աշխատանքը, հայտնել են Ուկրաինայի ռազմաօդային ուժերը։
