Բեսթսելերների հեղինակ Ալեքս Ասթերը Mattel ընկերության պատվերով գրել է «Barbie Dreamscape» վեպը, որն առաջինն է Բարբի տիկնիկի աշխարհի մասին պատմող երիտասարդական (YA) գրքերի շարքում։ Նոր գրքի շնորհանդեսը կայացել է Նյու Յորքում: Սյուժեի կենտրոնում դեռահաս Բարբին է, ում իդեալական ապագան խորտակվում է, երբ ավարտական հանդեսի ժամանակ նրան հայտարարում են «Անճակատագիր»։ Ասթերի խոսքով՝ իրեն ստեղծագործական լիակատար ազատություն է տրվել, և ինքը որոշել է Բարբիին ներկայացնել միայնակ՝ առանց Քենի հետ հարաբերությունների գծի։ Գրողը հույս ունի, որ Mattel-ը գրքի հիման վրա նոր անիմացիոն կամ նույնիսկ խաղարկային ֆիլմ կնկարահանի։ Ներկայումս Հոլիվուդն արդեն էկրանավորում է Ասթերի հեղինակած մյուս՝ «Lightlark» և «Summer in the City» վեպերը։
