«SpaceX»-ը հայտնել է, որ «Starship»-ի վերին աստիճանը՝ 52 մետր բարձրությամբ տիեզերանավը, Հնդկական օվկիանոսում՝ Քրիստմաս կղզու ափերի մոտ, բարձացվել է հսկայական կիսասուզվող նավի վրա։ Այն վայրէջք էր կատարել օվկիանոսում՝ «Starship»-ի 13-րդ փորձնական թռիչքի ավարտից հետո։ Այժմ այն պետք է տեղափոխվի ԱՄՆ Տեխաս նահանգում գտնվող «SpaceX»-ի «Starbase» տիեզերակայան։ Ընկերության գնահատմամբ՝ տեղափոխումը կարող է տևել մի քանի ամիս։ «Starship»-ի 13-րդ փորձնական թռիչքը մեկնարկել էր «Starbase»-ից և ընդհանուր առմամբ հաջող էր։ Տիեզերանավը ուղեծիր էր դուրս բերել «SpaceX»-ի 20 նոր սերնդի «Starlink» արբանյակ, ինչպես նաև կարողացել էր տիեզերքում վերագործարկել իր վեց «Raptor» շարժիչներից մեկը։ Սա աննախադեպ էր «Starship»-ի փորձարկումների պատմության մեջ․ նախորդ բոլոր թռիչքների ժամանակ վերին աստիճանը կամ մասնատվել էր Երկրի մթնոլորտ մտնելիս, կամ պայթել էր ջրում վայրէջքից հետո։
