Ադրբեջանի արտաքին գործերի նախարար Ջեյհուն Բայրամովը Բիշքեկում հանդիպել է Իրանի արտաքին գործերի նախարար Սեյեդ Աբբաս Արաղչիի հետ։ Այս մասին հաղորդում է ադրբեջանական APA լրատվական գործակալությունը։ Նախարարները քննարկել են ադրբեջանա-իրանական երկկողմ հարաբերությունների ներկա վիճակը և զարգացման հեռանկարները, փոխադարձ հետաքրքրություն ներկայացնող ոլորտներում համագործակցության ընդլայնումը, ինչպես նաև մտքեր են փոխանակել տարածաշրջանային հարցերի շուրջ։ Նախարարները ընդգծել են բարձր մակարդակի կանոնավոր երկխոսության շարունակականության և երկու երկրների միջև փոխշահավետ նախագծերի խթանման կարևորությունը։
