ԱՄՆ-ն պետք է հասկանա՝ խաղի կանոնները փոխվել են, հայտարարել է Իրանի խորհրդարանի խոսնակ Մոհամմադ Բաղեր Ղալիբաֆը։ «Չնայած մեր զինված ուժերի կողմից ամերիկյան բազաների դեմ ուղղված հզոր հարվածներին, այդ երկրի ղեկավարները գտնվում են հուսահատ վիճակում և օգտագործում են արհեստական բանականություն՝ մարտադաշտից լուսանկարներ և տեսանյութեր ստեղծելու համար՝ թաքնվելով դատարկ խոսքերի և կարգախոսների հետևում։ Ամերիկացիները, անկասկած, հասկացել են, որ «սիմետրիկ պատասխանների» դարաշրջանն ավարտվել է, և ագրեսոր բազաների դեմ վերջին գործողություններում մեր կողմից հասցված հարվածները միայն սկիզբն էին։ Եթե նրանք դեռ չեն հասկացել, ապա պետք է հասկանան, նախքան ուշ լինի, որ խաղի կանոնները փոխվել են, և Իրանի շահերի ու անվտանգության դեմ ուղղված ցանկացած ապագա ագրեսիա կստանա ավելի արագ, ավելի լուրջ և ավելի ցավոտ պատասխան»,- ասել է նա։
