Ուկրաինայի նախագահ Վոլոդիմիր Զելենսկին և Կանադայի վարչապետ Մարկ Քարնին երեք փաստաթուղթ են ստորագրել, որոնք վերաբերում են երկու երկրների միջև գործընկերությանը, պաշտպանությանն ու էներգետիկ համագործակցությանը։ Կողմերը ստորագրել են Ուկրաինայի և Կանադայի միջև հարյուրամյա գործընկերության մասին հռչակագիր, ինչպես նաև պաշտպանության և անվտանգության ոլորտներում համագործակցության ամրապնդման մասին համատեղ հռչակագիր, որը ներառում է նաև Drone Deal-ը։ Երրորդ փաստաթուղթը վերաբերում է երկու երկրների միջև էներգետիկ համագործակցության ընդլայնմանը։
