Անկախությունը մեկ անգամ կատարված ընտրություն չէ։ Այն պետության ամենօրյա կարողությունն է՝ ինքնուրույն որոշելու իր ապագան։ 1991 թվականի սեպտեմբերի 21-ին Հայաստանը վերականգնեց այդ հնարավորությունը։ Իսկ այսօր՝ 35 տարի անց, անկախության մասին խոսել նշանակում է արդեն մտածել ոչ միայն այն մասին, թե որտեղից ենք եկել, այլև՝ ինչպիսի պետություն ենք ուզում կառուցել։ 21-րդ դարում ինքնիշխանությունը միայն սահմանների պաշտպանությունը չէ։ Այն նաև ուժեղ տնտեսություն է, ժամանակակից տեխնոլոգիաներ, գիտություն ու կրթություն, էներգետիկ անվտանգություն, արդյունավետ պետական ինստիտուտներ և աշխարհում սեփական շահերը պաշտպանելու կարողություն։ Այսօր մենք կփորձենք հասկանալ՝ ինչպիսի՞ն պետք է լինի անկախ Հայաստանի հաջորդ փուլը, և ի՞նչ է անհրաժեշտ, որպեսզի անկախությունը ոչ միայն պահպանենք, այլև դարձնենք ավելի ամուր, մրցունակ ու կայուն։ Առաջինի տաղավարում թեմայի շուրջ զրուցել ենք ԱԺ ՔՊ խմբակցության պատգամավոր Ծովինար Վարդանյանի հետ։ Առավել մանրամասն՝ տեսանյութում
