«Բարսելոնայի» մարզական տնօրեն Դեկուն խոսել է «Ատլետիկոյի» հարձակվող Խուլիան Ալվարեսին ձեռք բերելու չկայացած փորձի մասին։ Նրա խոսքով՝ ակումբը ցանկանում էր ձեռք բերել շարժունակ հարձակվողի, որը կարող էր համագործակցել թիմակիցների հետ, և Ալվարեսը այդ տարբերակներից մեկն էր։ Սակայն «Ատլետիկոն» չէր ցանկանում վաճառել ֆուտբոլիստին, ինչի պատճառով գործարքը չկայացավ։ «Բայց Խուլիանը արդեն անցյալ է, մենք պետք է առաջ նայենք։ Մենք գոհ ենք մնացած ամեն ինչից։ Հուսով եմ, որ նրա մոտ նույնպես ամեն ինչ լավ է, նա օգնում է իր ակումբին, և, ի վերջո, սա ֆուտբոլ է։ Պարզապես լինում են շատ բանակցություններ և շատ տրանսֆերներ, որոնք մեզ մոտ չեն ստացվում», – ասել է Դեկուն։
