Գիշերը Զապորոժիեի վրա ռուսական անօդաչու թռչող սարքերով իրականացված հարձակման հետևանքով կան զոհեր։ Ըստ ուկրաինական ԶԼՄ-ների՝ ԱԹՍ-ն հարվածել է քաղաքի թաղամասերից մեկում գտնվող մասնավոր տանը՝ հրդեհ առաջացնելով։ Վնասվել են նաև մեկ այլ բնակելի շենք և ոչ բնակելի կառույց։ Տարածաշրջանային ռազմական վարչակազմը հայտնում է, որ տան փլատակների տակ երկու զոհ է հայտնաբերվել՝ երկու կին։ Վիրավորվել են 4 տարեկան տղա և 45 տարեկան տղամարդ։ Զապորոժիեի վրա ռուսական մեկ այլ հարձակման հետևանքով վնասվել է նաև տեղի շուկաներից մեկը։
