Ֆրանսիայի Սենատի՝ սեպտեմբերի 27-ին կայացած ընտրություններում «Ազգային միավորում» կուսակցությունն ու նրա դաշնակիցները ստացել են 14 մանդատ՝ ռեկորդային արդյունք կուսակցության համար։ «Ազգային միավորումը» ստացել է 9 տեղ, ևս 2 մանդատ՝ Էրիկ Սիոտիի «Հանրապետության համար աջերի միությունը»։ Արդյունքում նրանք հաղթահարել են Սենատում խմբակցություն կազմելու համար անհրաժեշտ 10 պատգամավորի շեմը։ Ընտրություններով թարմացվել է Սենատի 348 տեղերից 178-ը։ Ֆրանսիայում սենատորներն ընտրվում են անուղղակի քվեարկությամբ՝ հիմնականում տեղական ընտրված ներկայացուցիչներից կազմված ընտրական կոլեգիայի միջոցով։ Միևնույն ժամանակ, Սենատում հիմնական քաղաքական ուժերը շարունակում են մնալ աջերը, կենտրոնամետները և սոցիալիստական ձախերը։ «Անհնազանդ Ֆրանսիան» նույնպես առաջին անգամ տեղ է ստացել Սենատում։
