Հայաստանի վարչապետ Նիկոլ Փաշինյանն ու Ֆրանսիայի նախագահ Էմանուել Մակրոնը զբոսնեցին Երևանի կենտրոնում։ Այս մասին պարզ է դառնում վարչապետ Նիկոլ Փաշինյանի «Ֆեյսբուք»-ի էջի ուղիղ եթերից։ Փաշինյանն ու Մակրոնը Աբովյան փողոցից ոտքով շարժվեցին դեպի Հանրապետության հրապարակ՝ ճանապարհին ողջունելով իրենց հանդիպող քաղաքացիներին։ Ֆրանսիայի նախագահը պետական այցով Հայաստան է ժամանել մայիսի 3-ին։ Նա մայիսի 4-ին կմասնակցի Եվրոպական քաղաքական համայնքի 8-րդ գագաթնաժողովին, իսկ մայիսի 5-ին կմեկնարկի նրա պետական այցի ծրագիրը։
