Երևանի քաղաքապետ Տիգրան Ավինյանը տեսանյութ է հրապարակել և կից գրել. «1963 թվականից ի վեր թիվ 156 մանկապարտեզը չէր վերանորոգվել։ Այսօր այն վերաբացվել է՝ նոր պայմաններով ընդունելու 180 երեխայի՝ 6 խմբում։ Այս մանկապարտեզի բացմամբ ավարտում ենք Երևանի էներգաարդյունավետության ծրագրի առաջին փուլը․ վերակառուցվել կամ հիմնանորոգվել է 15 մանկապարտեզ, իսկ ևս 47 հանրային շենքերում՝ այդ թվում առողջապահական և մշակութային հաստատություններում, բարելավվել է էներգաարդյունավետությունը։ Ընդհանուր առմամբ, 2019–2025 թվականներին Երևանում հիմնանորոգվել կամ վերակառուցվել է 45 մանկապարտեզ»։
