Հայաստանը կանգնած է իր տնտեսական ինքնիշխանության կարևորագույն որոշումների առաջ։ Կառավարությունը նախաձեռնում է ՀԷՑ-ի վերադարձը պետական սեփականության, միաժամանակ ևս երեք ամիս է տալիս Ռուսաստանին՝ հայկական երկաթուղու մրցունակությունն ապահովելու լուծումներ առաջարկելու համար։ Իսկ նոր ատոմակայանի շուրջ քննարկումներում կրկին ուժեղանում է ռուսական առաջարկի նշանակությունը։ Սրանք առանձին տնտեսական որոշումներ չեն։ Խոսքը երկրի երեք կենսական համակարգերի մասին է՝ էլեկտրաէներգիա, հաղորդակցություններ և միջուկային անվտանգություն։ Հայաստանը փորձում է վերանայել տասնամյակներով ձևավորված կախվածությունները, բայց առջևում սկզբունքային հարց է՝ արդյոք այդ քաղաքականությունը վերածվո՞ւմ է հետևողական ռազմավարության, թե՞ մի ոլորտում անկախանալով՝ մյուսում նորից երկարաժամկետ պարտավորություններ ենք ստանձնում նույն կենտրոնի առաջ։ Այսօր մեր հյուրը ԱԺ «Քաղաքացիական պայմանագիր» խմբակցության պատգամավոր Լիլի Մինասյանն է։ Առավել մանրամասն՝ տեսանյութում
