Հունաստանում շարունակում են արձանագրել Արևմտյան Նեղոսի վիրուսով վարակման նոր դեպքեր՝ չնայած օդի ջերմաստիճանի նվազմանը։ Հունաստանի հանրային առողջապահության ազգային կազմակերպության (EODY) տվյալներով՝ 2026 թվականի սկզբից մինչև հոկտեմբերի 15-ը երկրում գրանցվել է վիրուսով վարակման 452 դեպք։ Հոկտեմբերի 9-15-ն ընկած շաբաթվա ընթացքում հայտնաբերվել է ևս 9 դեպք, իսկ վարակից մահացել է 2 մարդ։ Վարակման դեպքերի մեծ մասը գրանցվել է Ատտիկայի շրջանում, որն ընդգրկում է Աթենքն ու հարակից տարածքները։
